ရေစကြိုမြို့တွင် စစ်ကောင်စီတပ်အထိုင်ချထားသည့် ရုံးပေါင်းစုံကို MBT အဖွဲ့ တိုက်ခိုက်

Описание: မောင်ခက်နွေ (မဇ္ဈိမ)။ ။မကွေးတိုင်းဒေသကြီး၊ ပခုက္ကူခရိုင်၊ ရေစကြိုမြို့တွင် ယနေ့ မေလ ၂၅ ရက်နေ့တွင် ရေစကြိုမြို့ ရုံးပေါင်းစုံရှိ အာဏာသိမ်းစစ်တပ်၏ စခန်းတွေကို တိုက်ခိုက်ခဲ့တယ် လို့ Myingyan Black Tiger (MBT) အဖွဲ့ရဲ့ ခေါင်းဆောင်ဖြစ်သည့် ဗိုလ်မိုက်ခဲက မဇ္ဈိမကို ပြောသည်။

ဖြစ်စဥ်မှာ ယမန်နေ့ မေလ ၂၄ ရက်နေ့က MBT အမှတ်(၂) စခန်းမှ ရဲဘော်နှစ်ဦးနှင့် စစ်ကောင်စီ စစ်ကြောင်းတို့ရေစကြိုမြို့ပေါ်တွင် ထိပ်တိုက်တွေ့ကာ စစ်ကောင်စီတပ်ဖွဲ့ဝင်တွေက ပစ်ခတ်ဖမ်းဆီးသဖြင့် တစ်ဦးမှာ ခြေထောက်တွင် ကျည်ထိ ဒဏ်ရာရကာ ဖမ်းဆီးခံခဲ့ရသည်။

“ လွတ်မြောက်လာတဲ့ ရဲဘော်က ကျွန်တော်တို့ ဌာနချုပ်ကို သတင်းပို့လာတယ်။ အဖမ်းခံရတယ်။ အဲ့တာနဲ့ ကျွန်တော်တို့က ရဲဘော်ကို ကယ်ထုတ်ဖို့ ပြင်ဆင်တယ်။ ပြင်ဆင်နေတုန်း ဖရဲသီးတွေဆီက သတင်းရတာက စစ်ကောင်စီတပ်သားတွေက ခြေထောက်ထိတဲ့ တော်လှန်ရေး ရဲဘော် လူနာကို ကတ္တရာလမ်းပေါ်ပစ်ထားပြီး ကင်းပုန်းဝပ် ထောင်ချောက်ဆင်
စောင့်နေတယ်လို့ သတင်းရတယ်။ အဲ့တာနဲ့ ကျွန်တော်တို့ MBT အဖွဲရဲ့ ဌာနချုပ်စခန်းနဲ့ အမှတ်(၂)အခြေစိုက်စခန်းတို့ကနေ အင်အားကုန်ထုတ်ပြီး လူနာရဲဘော် ကျန်ခဲ့သည့် နေရာဆီ ချီတက်ခဲ့ကြတယ်။ ကျွန်တော်တို့အဖွဲ့ အင်အားပြည့်တက်လာတာကို စစ်ကောင်စီတပ်က သတင်းထပ်ရသွားတော့ ရဲဘော်လူနာကို ကတ္တရာလမ်းပေါ်ပစ်ထားပြီး ကင်းပုန်းဝပ်ထောင်ချောက်ဆင်နေတာကနေ ဖမ်းဆီးခံထားရတဲ့ ရဲဘော်ကို ခေါ်ပြီး ဆေးရုံမှာ ကောင်းမွန်စွာ ကုသပေးထားတယ်ဆိုပြီး သူတို့ရဲ့ Telegram Channel မှာ ဝါဒဖြန့်ထားတာကိုတွေ့ရတယ်” လို့ ဗိုလ်မိုက်ခဲက ရှင်းပြသည်။

လက်ရှိတွင် ဖမ်းဆီးခံထားရသည့် ရဲဘော်သည် ဆေးရုံတွင် ရှိမနေဘဲ စစ်ကောင်စီတပ်သားတွေ အထိုင်ချ တပ်စွဲထားတဲ့ ရုံးပေါင်းစုံမှာ စစ်ကြောရေး လုပ်နေတာကို သတင်းအတိအကျရရှိထားတယ်လို့ ဗိုလ်မိုက်ခဲကရှင်းပြသည်။

ရုံးပေါင်းစုံက အာဏာသိမ်းစစ်တပ်၏ စခန်းတွေကို တိုက်ခိုက်ခဲ့ရာ တိုက်ပွဲဖြစ်ချိန်မှာ နာရီဝက်ခန့် ကြာမြင့်ပြီး Myingyan Black Tiger (MBT)အဖွဲ့ ဘက်က တော်လှန်ရေး ရဲဘော်တွေအထိအခိုက်မရှိပြန်လည်ဆုတ်ခွာနိုင်ခဲ့တယ်လို့ သူကဆိုသည်။

ထိုသို့ တိုက်ခိုက်တွင်ရာ စစ်ကောင်စီတပ်သား အနည်းဆုံး ၁၀ ဦးမက သေဆုံးသွားတယ်လို့ တပ်တွင်းသတင်းပေးတွေက ဗိုလ်မိုက်ခဲကိုပြောသည်ဟု သိရသည်။

ထို့အပြင် တိုက်ပွဲအပြီး၌ အာဏာသိမ်းစစ်ကောင်စီတပ်တို့အခြေစိုက်ရာ ရုံးပတ်ပတ်လည်နှင့် စစ်ကောင်စီတပ် စစ်ကြောင်းထိုးရာ လမ်းကြောင်းများကို မိုင်းဆင်ခြင်းနှင့် ရေစကြိုမြို့တွင်း ကင်းအထပ်ထပ်ချထာသည်ဟု ဗိုလ်မိုက်ခဲက ဆိုသည်။

စာတည်း - သန့်ဇော်(သန်လျင်)
Video - Myingyan Black Tiger (MBT) အဖွဲ့

#mizzima
#အာဏာသိမ်း
#စစ်ကောင်စီတပ်
#ရေစကြိုမြို့
#ရုံးပေါင်းစုံကို
#MBT

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

Subscribe now and join the Mizzima TV family to get insights into Burma's culture and people. With Mizzima TV, you can stay informed about the latest news and events happening in Myanmar, as well as connect with the world.

   / @mizzimanewstv  
Facebook | Myanmar Language - https://bit.ly/3BuWBSJ
Facebook | English language - https://bit.ly/3d5g1V2
Facebook | Mizzima+TV - https://bit.ly/3eGNjdl
Twitter - https://bit.ly/3Dbvqh1
Telegram - https://bit.ly/3RRn2rk
Tiktok - https://bit.ly/3xngMzE
Get Mizzima TV App Free - https://onelink.to/jnuwak/
Website:
https://www.mizzima.com/
https://www.mizzimaburmese.com/
https://www.mizzima.tv/