Туған ұлдарынан таяқ жеп әбден қажыған әке көпшіліктен көмек сұрайды

Описание: Жетісу облысында туған ұлдарымнан қорлық көрдім деген 62 жастағы азамат көпшіліктен көмек сұрады. Екі балам ақша сұрап, күн көрсетпейді деген әке таяқтан әбден қажығанын айтады. Ақсу ауданының тұрғыны қамауға алынған екі ұлым бостандыққа шығып, тағы жәбір көрсете ме деп қорқып отыр.

БАҚЫТБЕК ҚАДЫСҰЛЫ, жәбірленуші:
Ал енді менен ақша сұрау себебі. Ақша сұрайды да, бермесең маған істемегенді істейді. Мен енді өтірік доклад беріп отырған жоқпын. Осы жерде екі ұлым мені машинаға басып алып, далаға апарып тастады көйлекшең, шаңкөкшең. Тағы да он тәулікке тағы да қамалды. Ал сонда айтып отыр. Келгеннен кейін тағы көресің деп. Ал енді мен сонда не қылдым оларға? Мен енді кімнен көмек сұраймын? Ал олар тағы келіп тағы тиіссе, мен қалай істеймін ал енді.
Сот күш көрсеткен екі азаматты кінәлі деп танып, үш ай мерзімге жәбірленушіге жақындауға тыйым салған екен. Ал, ауыл тұрғындары қатыгез балалардың зейнет жасына жақындаған әкелерін соққыға жығып, күн көрсетпей жүргеніне төрт жылдан астам уақыт болғанын айтады. Ұрып-соққаны аздай аяқ киім жөндейтін шағын жұмыс орнын 6-7 рет қиратып кеткенін көпшілік көріпті. Тіпті, 31 және 34 жастағы ұлдары қарияны қыстың күні Ақсу өзенінің маңына киімсіз апарып тастаған деп отыр. Бауыр еті балаларынан жалаңаяқ қашқан тұрғын сырқаттанып қалған екен. Енді емделуге де мүмкіндігі жоқ дейді ауыл жұрты. Сондықтан жалғыз тұратын етікшінің жағдайын құзырлы орган өкілдері бақылауға алсын дейді.
ДАНИЯР БЕЙІСҚАЛИ, І. Жансүгіров ауылының тұрғыны:
Киім-кешектерінің бүкілін жинап алып өртеп жіберген дейді. Одан кейін жұмыс орнындағы техникаларын алып кеткен дейді. Одан қалса, атамыздың айтуы бойынша, жұмыс орнындағы кішкентай ғана бөлме өзі сол жерге замоктарына суперклей құйып кетеді екен. Етікші қарапайым. Медстрахованиесі жоқ. Соның арқасында қазіргі уақытта қалаға барып емделейін десе, көп ақша керек болып тұр. Өйткені мына қуық жолдары жұмыс жасамайды суық тигеннен.

#Информбюро #Жетісуоблысы #қорлық #көмексұрайды #31канал