Kreditë zhvatëse/ Debitor edhe pse ka paguar të gjithë shumën

Описание: Ermal Gremi nga qyteti i Fierit më 16 shkurt të 2018 pranë shoqërisë FINAL sha merr një qira financiare prej 530 mijë lekësh të vjetra. Kjo fletë e shkruar me gërma të vogla është kontrata e nënshkruar ndërmjet Ermalit dhe nëpunësit të shoqërisë FINAL sha. Është Xhoana Hasanbashi, bashkëshortja e Ermalit ajo që rrëfen historinë.


” Ky telefon ishte në shumën e 530 mijë lekësh të vjetra, u la që telefoni të paguhej me këste në FINAL sha. Detyrimi ishte për një vit, çdo muaj duhet të paguanim 65 mijë lek të vjetra. Në 6 muajt e parë nuk kemi pas vonesa, më pas po. Ne pothuajse gjatë gjithë kohës ishim në kontakt me z.Besnik që prezantohej si drejtor i Finalit. Kur vonoheshim ai bënte të ditur se sa para do të hidhnim në llogari. Ishte po ky person që na tha se:- “ju duhet të mbyllni 360 mijë lek të vjetra që të mbyllet kredia, pasi dhe final do të mbyllet.”

Në fillim në llogari hodhëm 100 mijë më pas 300 mijë Lek. Kur shkoj pranë Finalit për të marrë një dokument që kisha bërë likujdimin aty pash që ky institucion nuk ekzistonte më. Ndërsa numrat e telefonit të Besnikut ishin të mbyllur. ”

Çifti i ri nuk u interesua më për qiranë financiare, sipas tyre detyrimet ishin shlyer ashtu siç i kish udhëzuar Besniku. Më 15 maj të 2029 final u drejtohet me këtë shkresë ku citohet se:

“Kreditori po konsideron nisjen e procedurës gjyqësore. Nisja e procesit gjyqësore do të ketë këto pasoja.

Ju duhet të paguani njëherësh të gjithë detyrimin e kredisë.

Do të sekuestrohen dhe shiten të gjitha pasuritë.

Detyrimit do t’i shtohen edge shpenzimet e procedurës në gjykatë”.

” Një muaj më pas na vjen një dokument që lexonte Final në emrin e një avokateje. Aty kishte disa numra telefoni i provuam dhe na dolën të fikur. Edhe ne e lamë në heshtje sepse nuk kishim kur të përplaseshim. ”

PS kësaj letre kërcënuese Final u zhduk përsëri. Tashmë shërbimet e Final sh do të jepeshin nga ACDA-ja.

” Sipas ADCA-së ne kishim një detyrim prej 800 mijë lekësh zëre se ishte shuma totale e telefonit. Ndërkohë pas dy ditësh vjen një tjetër dokument dhe shuma që i detyroheshim ishte 530 mijë lek të vjetra. I marr në telefon dhe them përse ndryshoi detyrimi, sipas tyre na kishte bërë tolerim drejtori. Unë thashë nuk jap asnjë kokërr leku nëse nuk më tregon që kjo shumë ka dal nga x diferencë ose pagesë. Pas 2-3 ditësh më telefononin përsëri dhe më thonë që ke mundësitë paguash 300 mijë lek. Do më thënë tre shuma të ndryshme. ”

Sa herë propozohej një shifër e re detyrimi, mungonte informacioni i origjinës se përse Ermal Gremi i detyrohej ACDA t’i jepte këtë shumë parash. Për këtë arsye çifti i ri i drejtohet Bankës së Shqipërisë, nga këtu mësojnë se duhet të paguajnë 20 mijë lek të reja.

“Banka e Shqipërisë më ka thënë që kam një detyrim prej 200 mijë lekësh të vjetra. I mora në telefon dhe ua tregova atyre të ACDA-së më thanë ok po të japim numrin e llogarisë, u kërkova një dokument që kam përfunduar punën më ta, por më thanë që nuk ta japim. Unë u dogja një kështu, lekët me ikën dhe sot jam debitore nuk dua të përsëritet historia. Kërkoj zgjidhje.

Kontakti i fundit që çifti i ri ka pas me ACDA-në ka qenë para një viti. Ndërkohë që denoncuesit thonë që e kanë të pamundur të marrin një tjetër kredi pasi tashmë emri i tyre është i përfshirë në listën e zezë.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Kredite#Debitor#TopChannel