អនត្តា - អ្វីដែលមិនមែនជារបស់ខ្លួន សម្ដែងដោយធម្មាចារិនី ហេង វី

Описание: ទានមានឋានៈផ្សេងគ្នា
ឱ្យទានដល់សត្វតិរច្ឆាន បានអានិសង្សមួយរយជាតិ, ឱ្យទានដល់មនុស្សបុថុជ្ជនទ្រុស្តសីល បានអានិសង្សមួយពាន់ជាតិ, ឱ្យទានដល់មនុស្សបុថុជ្ជនមានសីល បានអានិសង្សមួយម៉ឺនជាតិ, ឱ្យទានដល់បុគ្គល (តាបស) ខាងក្រៅពុទ្ធសាសនាដែលមានសេចក្ដីនឿយណាយក្នុងកាម បានអានិសង្សមួយសែនជាតិ, ឱ្យទានដល់បុគ្គលដែលប្រតិបត្តិដើម្បីធ្វើឱ្យជាក់ច្បាស់នូវសោតាបត្តិផល(១) បានអានិសង្សរាប់ពុំបានប្រមាណពុំអស់ឡើយ។ ចំណែកខាងសោតាបន្នបុគ្គលក្ដី បុគ្គលដែលប្រតិបត្តិដើម្បីធ្វើឱ្យជាក់ច្បាស់នូវសកទាគាមិផលក្ដី សកទាគាមិបុគ្គលក្ដី បុគ្គលដែលប្រតិបត្តិដើម្បីធ្វើឱ្យជាក់ច្បាស់នូវអនាគាមិផលក្ដី អនាគាមិបុគ្គលក្ដី បុគ្គលដែលប្រតិបត្តិដើម្បីធ្វើឱ្យជាក់ច្បាស់នូវអរហត្តផលក្ដី ព្រះអរហន្តជាសាវ័ករបស់ព្រះតថាគតក្ដី ព្រះបច្ចេកសម្ពុទ្ធក្ដី ព្រះតថាគតក្ដី ជាព្រះអរហន្តសម្មាសម្ពុទ្ធក្ដី មិនបាច់និយាយ គឺថាអានិសង្សច្រើនលើសប្រមាណនឹងរាប់ថាចំនួនប៉ុណ្ណេះប៉ុណ្ណោះពុំបានឡើយ។ (១) សូម្បីឧបាសកដល់ត្រឹមតែសរណគមន៍ ៣ ក្ដី កាន់សីល ៥ ក្ដី សីល ១០ ក្ដី សាមណេរ ឬ ភិក្ខុទើបនឹងបួសបានមួយថ្ងៃក្ដី ភិក្ខុមានវត្តប្រតិបត្តិយូរហើយក្ដី ភិក្ខុទ្រទ្រង់វិបស្សនាក្ដី ទាំងអស់នេះ ឈ្មោះថាប្រតិបត្តិដើម្បីធ្វើឱ្យជាក់ច្បាស់នូវសោតាបត្តិផល។
(អានិសង្សកថា ដោយនិពន្ធបណ្ឌិត យិន វន់ ទំព័រទី ១)