2-ші бөлім | ТАУ ҰШЫНДАҒЫ ТАЛАС...Ашынған жұрт Ақорда есігін қаға ма?

Описание: Өткен бағдарламада Біркөлік демалыс аймағында туындаған жер дауы қоғамда үлкен резонанс тудырды. Аймаққа 30–300 млн теңге аралығында инвестиция салған 40-қа жуық кәсіпкер жер телімдерінен айырылуы мүмкін екенін айтып, дабыл қаққанын ел білді. Кәсіпкерлердің сөзінше, олардың қолында жер бөлу туралы ресми қаулылар мен құрылыс жүргізуге берілген рұқсат құжаттары бар. Алайда сот шешімімен аталған жер телімдері заңсыз деп танылған. Енді салынған нысандардың тағдыры қыл үстінде тұр.



Бұл сауалдар кәсіпкерлерді ғана емес, өңір тұрғындарын да алаңдатып отыр. Ашынған жұрт мәселені түсіндіруді талап етіп, Түркістан облысының әкімдігі ғимаратына жиналды. Алғашында әкімдік мамандары халық алдына шығып, өз деңгейінде түсіндірме берді. Алайда жиналғандар облыс әкімі немесе оның орынбасарымен тікелей кездесуді талап етті.

Көпшілік өтінішінен кейін облыс әкімінің орынбасары Нұрбол Тұрашбеков азаматтарды жеке қабылдады. Ол бұл мәселеге толыққанды көз жеткізбей тұрып, алдын ала уәде бермейтінін ашық айтты. Сонымен қатар алдағы күндері арнайы комиссия құрылып, жағдай жан-жақты зерттелетінін жеткізді.

Осылайша, кәсіпкерлер мәселені облыс деңгейінде қаратуға мүмкіндік алды. Дегенмен, мемлекет тарапынан берілген құжаттардың жарамсыз деп танылуы олардың құқықтық қорғалуына қатысты үлкен сұрақ туындатып отыр.

Енді кәсіпкерлердің алдағы қадамы қандай болмақ? Олар сот шешіміне шағым түсіре ме, әлде билікпен келіссөз арқылы ортақ шешім табыла ма?

Біркөліктегі бұл дау тек бір аймақтың мәселесі емес, мемлекеттік шешімдер мен инвесторлар арасындағы сенімге әсер ететін маңызды жағдайға айналып отыр.
#Айдос Тұрған
#Aidos Turgan
#Айдос Турган
#Жедел Сұхбат
#Жедел Түсірілім
#Айдос

ТЕЛ-WHATSAPP: 8702-166-60-01
Instagram -   / aidos_turgan  
Tik Tok -   / aidos_turgan