Ақтөбе облысында үйлер суға кетті

Описание: Арнаға тіркел / Подпишись на канал:    / @thesevennews  

Ақтөбе облысы төрт күннен бері су тасқынымен алысып жатыр. 3 ауданда жолды су шайып үлгерді. Мұғалжар ауданында барлық көлік қозғалысына шектеу қойылды. Ал Ақтөбе қаласының маңындағы Құрайлы ауылында су үйлерге кірген. Тұрғындар әкімдіктен көмек күтіп отыр. Халық бұл жағдайға мердігер компания кінәлі дейді.
Рахила Шалқарбаеваның үйін түнде еріген қар суы шайып кетті. Қарғын суды өткізу үшін жаңа асфальтты бұзуға тура келген.

РАХИЛА ШАЛҚАРБАЕВА, ҚҰРАЙЛЫ АУЫЛЫНЫҢ ТҰРҒЫНЫ:
Мынау үш сақина біздерге кішкентай болады дедік. Бізге мына бейіттің қасындағыдай үлкенін қойыңдар дедік. Оған ешкім құлақ асқан жоқ. Өзіміз білеміз, өзіміз жоба бойынша салып жатырмыз, спутниктен қараймыз деді.
Былтыр екі көшедегі жолдарды жөндеуге және судың қысымына төтеп бере алмаған сақиналарды орнатуға жарты миллиардтан астам теңге бөлінген. Әкімдік компания кемшіліктерді түзетеді деп отыр.

ДАРХАН ЕРМАҒАНБЕТОВ, МҰҒАЛЖАР АУДАНЫНЫҢ ӘКІМІ:
Қазіргі таңда «ҚазАвтоЖол» мекемесімен инерттік материалдар дайын. Құбырлары дайын тұр. Судың деңгейі түскеннен кейін қалпына келтіреді. Техниканың барлығы күзетшілікте тұр.
Еріген қар суы Темір, Ойыл, Мұғалжар аудандарындағы асфальтты шайып кетті. Соңғы екеуінде көлік қозғалысы үшін жолдар жабылды.
Темір ауданында ТЖД қызметкерлері жергілікті тұрғынның хабарлауы бойынша Ойыл өзенінің жайылма аралында тұрып қалған 17 жылқыны құтқарды. Жануарлар қауіпсіз жерге жеткізілді.
---------------------------------------------
Официальный сайт «Седьмого канала» https://tv7.kz/ru/
Instagram:   / tv7_kz  
TikTok:   / tv7_kz  
Facebook:   / tv7kz  
Telegram: https://t.me/tv7_kaz

#Жаңалықтар #жаңалықтар2025 #жаңалықтаржетіншіарна #Жетіншіарна #седьмойканал #7канал