#Matbuot_anjumani

Описание: Toshkent tumani hokimligi tashabbusi bilan “Toshkent tumani aglomeratsiyasi” mavzusida keng qamrovli Matbuot anjumani tashkil etildi. Mazkur anjuman hududiy rivojlanishning yangi bosqichlari, infratuzilma loyihalari hamda istiqboldagi rejalarni ommaviy axborot vositalari orqali keng jamoatchilikka yetkazish maqsadida o‘tkazildi.

Tadbirga O‘zbekiston teleradiokompaniyasining 5 ta telekanali, respublika va hududiy gazeta hamda internet nashrlarining o‘z muxbirlari taklif etildi. Bu esa anjumanning ochiqlik va shaffoflik tamoyillari asosida tashkil etilganidan dalolat berdi.

Matbuot anjumanida Toshkent tumani hokimining o‘rinbosari N. Bozorboev hamda Islohotlar shtabi rahbari O. Hakimovlar so‘zga chiqib, aglomeratsiya doirasida amalga oshirilayotgan loyihalar, investitsion jarayonlar, muhandislik-kommunikatsiya tarmoqlari va ijtimoiy sohadagi yangilanishlar haqida batafsil ma’lumot berdilar. OAV vakillari tomonidan berilgan savollarga atroflicha va aniq javoblar qaytarildi.

Shuningdek, anjumanda «O‘zbekiston milliy elektr tarmoqlari» aksiyadorlik jamiyati boshqaruv raisining matbuot kotibi — axborot siyosati masalalari bo‘yicha maslahatchisi Ulug‘bek Urunov ham ishtirok etdi. U elektr ta’minoti, energiya infratuzilmasini modernizatsiya qilish hamda hududiy loyihalarning texnik jihatlari yuzasidan jurnalistlarni qiziqtirgan savollarga batafsil izoh berdi.

Anjuman davomida ochiq muloqot muhiti hukm surdi. Har bir savolga aniq dalil va faktlar asosida javob berilishi Toshkent tumani aglomeratsiyasi loyihalarining tizimli va puxta rejalashtirilganini yana bir bor namoyon etdi.

Mazkur Matbuot anjumani hududiy taraqqiyot jarayonlarida ochiqlik, jamoatchilik bilan samarali hamkorlik va axborot siyosatining muhim o‘rin tutishini yaqqol ko‘rsatdi.

📹Jarayon videoda.

«O‘ZBEKISTON MILLIY ELEKTR TARMOQLARI» AKSIYADORLIK JAMIYATINING ELEKTRON MANZILLARINI KUZATIB BORING!

Veb-sahifa: uzbekistonmet.uz

Telegram: https://t.me/uzmetaxborotxizmati

Facebook:   / elektrtarmoq  
Twitter:   / uzbekistonmet  

Instagram:   / uzbekistonmet.uz  

Elektron pochta: [email protected]

E-xat: [email protected]