Shikoyatchini sudga bermoqchi bo‘layotgan Urgut hokimi, jurnalistlardan uzr so‘ragan deputat

Описание: Xalq deputatlari Urgut tuman Kengashning navbatdagi sessiyasida tuman hokimi Botir Jabborov O‘zbekiston liberal demokratik partiyasidan saylangan deputat Baxtiyor Bekboyevga so‘z bergan.

Deputat Kun.uz da e’lon qilingan maqolani muhokamaga tortishga uringan. Sayt va fuqarolarni ig‘vogarlikda ayblagan. Deputat Kun.uz muxbirlari bilan suhbatda ham sessiyada aytgan gaplarini takrorladi: e’lon qilingan maqola Urgut IEZ direksiyasining obro‘siga, ishchanlik kayfiyatiga putur yetkazadi, deb turib oldi.

Boz ustiga, Urgut EIZ direksiyasi saytda e’lon qilingan maqolaga hech qanday e’tiroz qilmayotgan ekan, deputat Baxtiyor Bekboyev nega Kun.uz ni biryoqlama maqola yozganlikda ayblayapti?

Jurnalist faqat murojaatchilarning iddaolari bilan cheklangan taqdirda biryoqlamalik bo‘lardi. Vaholanki, aynan aholi va hokimlik o‘rtasidagi muammo bo‘yicha ikki tomonning izohi e’lon qilingan..

Kun.uz muxbirlari Urgutdan qaytayotganida deputat Baxtiyor Bekboyev telefon orqali bog‘lanib, jiddiy xato qilgani, saytni ig‘vogar demoqchi bo‘lmaganini izohlashga urindi va uzr so‘radi.

Sessiyada esa hokim Botir Jabborov Kun.uz’da e’lon qilingan maqolada o‘zining fuqarolarga nisbatan qilgan qo‘polligi aks etgan audioni yozib olgan va saytga taqdim qilgan fuqaroni sudga berishini bildirgan.

Rasmiy vebsayt: http://kun.uz
Telegram kanalimiz: https://telegram.me/kunuzofficial
Facebook`da kuzating:   / kunuznews  
Twitter`da kuzating:   / kunuznews  
Instagram`da kuzating:   / kun.uz  
OK.ru`da kuzating: http://ok.ru/kunuznews
VKontakte`da kuzating: https://vk.com/kun_uz
TikTok`da kuzating:   / kunuznews