როგორ იხსენებენ გიორგი შენგელაიას გურჯაანში

Описание: ქართველ კინორეჟისორს, რუსთაველის პრემიის ლაურეატს, საქართველოს სახალხო არტისტს, გიორგი შენგელაიას მისი დედის, ნატო ვაჩნაძის სახლ-მუზეუმში იხსენებენ. მუზეუმის მენეჯერმა ლეგენდარული რეჟისორის დამსახურებასა და ქართულ კინოსა და თეატრში შეტანილ უდიდეს ღვაწლზე ისაუბრა. როზა აფციაურის თქმით, გიორგი შენგელაია მშობლიურ სახლს ხშირად სტუმრობდა. კინორეჟისორი ავადმყოფობის შედეგად გუშინ გარდაიცვალა. გიორგი შენგელაია 1962 წლიდან მუშაობდა კინოსტუდია „ქართულ ფილმში“. მას გადაღებული აქვს ფილმები: „ალავერდობა“, „მაცი ხვიტია“, „ფიროსმანი“, „ვერის უბნის მელოდიები“, „სიყვარული ყველას უნდა“, „ახალგაზრდა კომპოზიტორის მოგზაურობა“, „ხარება და გოგია“ და სხვა. გიორგი შენგელაია მფლობელია არაერთი პრესტიჟული ჯილდოსი - მათ შორის არის „ვერცხლის დათვი“ საუკეთესო რეჟისურისთვის ბერლინის საერთაშორსო კინოფესტივალზე, ჩიკაგოს საერთაშორისო კინოფესტივალის გრან პრი, ასევე ბრიტანული კინოინსტიტუტის, ბერგამოსა და სან სებასტიანის საერთაშორისო კინოფესტივალის ჯილდოები.