Klan News - Rama e Duka kërkesë Ceferin

Описание: Pas finales së Conference League, stadiumi “Air Albania” synon organizimin e finales së Superkupës së UEFA-s. Është kjo kërkesa e bërë nga kryeministri Edi Rama në adresë të presidentit të UEFA-s, Aleksandër Ceferin, në takimin e zhvilluar pasditen e së enjtes në Kryeministri.

Diçka që përforcon edhe dëshirën e presidentit të FSHF-së, Armand Duka, i cili u shpreh se do të ishte një moment jo vetëm historik, por edhe krenari në skenën globale të futbollit.

Kryeministri Rama përmendi gjithashtu impaktin pozitiv që pati organizimi i finales së Ligës së Konferencës në Tiranë në vitin 2022, ku Roma dhe Feyenoord u përballën në stadiumin “Air Albania”.

Sipas tij, kjo ka sjellë një numër më të lartë turistësh nga Holanda. Gjatë mbledhjes së Komitetit Ekzekutiv të UEFA-s, u vendos që edicioni i Superkupës së vitit 2026 të mbahet në Salzburg të Austrisë.

Kjo do të thotë se kërkesa zyrtare e Shqipërisë, e cila pritet të formalizohet nga FSHF, do të synojë edicionin e vitit 2027.

Shqipëria shpreson që, përmes futbollit dhe mikpritjes, të forcojë më tej imazhin e saj në arenën evropiane, dhe një finale si ajo e Superkupës së UEFA mund të jetë hapi tjetër i madh në këtë rrugë.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan