Қызылорда облысында әйелін балталап тастаған мұғалімнің ісіне нүкте қойылды

Описание: БІЗДІҢ YOUTUBE АРНАҒА ТІРКЕЛІҢІЗ:    / @informburo31kanal  
---------------------------------------------
Ақтаудағы ұшақ апаты -    • Ақтаудағы ұшақ апаты  
Бишімбаев ісі -    • Бишімбаев ісі  
Су тасқыны бойынша барлық ақпарат -    • Су тасқыны // Төтенше жағдай  
Жұмбақ өлімдер -    • Жұмбақ өлім  

Бүгінгі шығарылымда:
Қызылорда облысында әйелін балталап тастаған мұғалімнің ісіне нүкте қойылды. Сот ұстазды “адам өлтіруге оқталу” бабымен кінәлі деп тауып, 15 жыл бас бостандығынан айыру жазасын кесті. Ал, суық қарудың соққысынан басы мен денесінен бірнеше жарақат алған бес баланың анасы мүгедек болып қалған. 21 жыл педагог болған азаматтың сонша қатыгездікке баруына не себеп? Сотталушының туыстары не дейді? Дүйім жұртты дүр сілкіндірген оқиғаның жай-жапсарын Абай Нұржанұлы тарқатсын.
Қанды қылмыс Бала би ауылында осыдан үш ай бұрын болған. Тергеудің дерегінше, таңғы сағат төрт шамасында бөлмеде шырт ұйқыда жатқан әйелді жолдасы балталап тастаған. Педагог өткір құралдың жүзімен жұбайының басын, иығын және қолын шапқан. Сөйтіп өзі сыртқа шығып кеткен екен. Ал шошып оянған қызы қан-жоса болған анасын көріп, дереу көмек шақырыпты. Соның арқасында жедел жәрдем қызметкерлері 42 жастағы жәбірленушіні аман алып қалды. Ал отағасының қатыгез әрекеті сотта толық дәлелденді.
ЕРЛАН РАУШАНБЕКҰЛЫ, Қызылорда облысы қылмыстық істер жөніндегі мамандандырылған ауданаралық соты әкімшілігінің басшысы:
Ағаш сапты балтаны алып, ұйықтап жатқан сәтін пайдаланып, асқан қатыгездікпен бас тұсынан, йық тұстарынан бірнеше мәрте соққылар жасаған. Кәмелетке толмаған балалар оянып қалған сәтінде сотталушы өзінің қылмыстық іс-әрекетін ақырына дейін жеткізе алмай балтасын жерге тастап, шығып кеткен. Сотталушы ҚР ҚК 99-бабының 3,5-тармақтарымен кінәлі деп танылып, 15 жылға бас бостандығынан айыру жазасы тағайындалды.
Яғни сотталушы “адам өлтіруге оқталу” бабы бойынша жазасын өтейді. Ал отбасындағы сұмдық жағдай ерлі-зайыптылардың бір-бірін түсінісе алмауынан болған дейді прокурор. Үкімді онлайн тыңдаған жәбірленуші жолдасына кесілген жазамен келісті. Ал 21 жыл бойы биология пәнінің мұғалімі болған сотталушының туыстарының өз айтары бар.
ГҮЛЖАН НҰРҒАЛИЕВА, сотталушының туысы:
Мен бұл неге келіспеймін. Інім өте ауыр жазамен айыпталып тұр. Жүрегіміз қан жылап тұр.
Балтаның ауыр соққысынан мүгедек болып қалған әйел жұбайымен 11 жыл бұрын шаңырақ көтерген екен. Екеуінің бес баласы бар.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31    / @informburo31kanal  
Informburo kz    / @informburokz2022  
Facebook -   / informburo31  
Instagram -   / informburo31  
WhatApp - https://whatsapp.com/channel/0029VaDm...
TikTok - https://www.tiktok.com/@informburo31?...
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық