«Վերնատուն»․ «Կապույտ արխիվներ» միջգիտակարգային ցուցադրությունը 16.02.2026

Описание: Եղիշե Չարենցի անվան գրականության և արվեստի թանգարանում բացվել է «Կապույտ արխիվներ» միջգիտակարգային ցուցահանդեսը, որը նվիրված է Երևանի քաղաքային լանդշաֆտում ջրային մարմինների կարևորությանը, ինչպես նաև համայնքային հիշողության մեջ «կապույտ գոտիների» առկայությանն ու դրանց կորստին: Ցուցադրության շրջանակում ներկայացված են արխիվային նյութեր, բանավոր պատմություններ, լուսանկարներ և գրական տեքստեր։ Նախագծի մասին են խոսում համադրող հեղինակները՝ «Մշակութային և սոցիալական նարատիվների լաբորատորիայի» հիմնադիր, մշակութային հետազոտող Տիգրան Ամիրյանը և ճարտարապետ, մշակութային հետազոտող Արսեն Աբրահամյանը։

Հետազոտողների ուշադրության կենտրոնում ջրային ենթակառուցվածքներն են և ջուրը՝ որպես մշակութային ու սոցիալական հիշողության կրող: Մի շարք մարզային նախագծերից հետո սա անդրադարձ է Երևանին և այն «կորուսյալ ջրերին», որոնք ժամանակի ընթացքում դուրս են մղվել մեր կենցաղից: «Կապույտ» ձևակերպումն ընտրվել է որպես ինքնատիպ ընդվզում Երևանի՝ միայն «արևի» կամ «վարդագույն քարի» քաղաք լինելու տարածված պատումներին: Հեղինակները նպատակ ունեն ցույց տալ, որ մայրաքաղաքը հագեցած է եղել ջրային մարմիններով՝ սկսած փոքր ճարտարապետական ձևերից ու պուլպուլակներից մինչև ընդարձակ գետային ցանցեր:

Ցուցահանդեսը ներառում է նաև ժամանակակից արվեստագետների ստեղծագործություններ՝ «Իջիր ջրի հատակը» խորագրով: Նախագիծը համախմբել է ճարտարապետների, բանավոր պատմության մասնագետների, արվեստագետների, նաև գրողների, որոնց աշխատանքներում արտացոլված են երևանյան ջրային գոտիները: Ըստ հեղինակների՝ զրկվելով լճերից ու գետերից, մենք զրկվում ենք նաև այն երևակայությունից, որով ջուրը սնուցում է քաղաքը: Որ ցուցահանդեսը ոչ միայն էկոլոգիական ու քաղաքաշինական կարևորություն ունեցող երևույթ է, այլև մշակութային երևույթ է։ Եվ մենք խոսում ենք «Կապույտ արխիվների» մասին, որպես ջրային ժառանգության մասին։

Որպես հետազոտության ամփոփում՝ տարեվերջին լույս կտեսնի նաև «Կապույտ Երևան» գիրքը: