Top Channel/ NATO shkatërron raketën e Iranit në Turqi: Do reagojmë! Evakuime masive në Qipro!

Описание: Ministria turke e mbrojtjes njoftoi se një raketë balistike e lëshuar nga Irani e cila po i drejtohej hapësirës ajrore të Turqisë u shkatërrua nga sistemet kundëraujrore të NATO-s të ndodhura në Mesdheun Lindor. Në njoftimin e ministrisë sqarohet se raketa u zbulua pasi kaloi mbi hapësirën ajrore të Irakut dhe Sirisë.

“Nga incidenti nuk pati viktima apo të plagosur,” thuhet në deklaratë, ku nënvizohet gjithashtu se Turqia rezervon të drejtën për të reaguar ndaj çdo veprimi armiqësor kundër saj, duke paralajmëruar palët të shmangin hapa që mund të cojnë drejt një përshkallëzimi të mëtejshëm të konfliktit. NATO reagoi edhe ajo, duke e dënuar me forcë lëshimin e një rakete të Iranit drejt hapësirës ajrore turke.

Ne e dënojmë shënjestrimin e Turqisë nga Irani. NATO qëndron e palëkundur në krah të të gjithë aleatëve, përfshirë Turqinë, teksa Irani vazhdon sulmet e tij në mbarë rajonin. Pozicioni ynë mbrojtës mbetet i fuqishëm në të gjitha fushat, përfshirë edhe atë të mbrojtjes ajrore dhe raketore.
Turqia, vend me shumicë myslimane sunite dhe anëtare e NATO-s, që deri më tani e kishte shmangur hakmarrjen e Iranit, ndan me këtë të fundit një kufi prej 500 kilometrash.

Shtetet e Bashkuara dhe Izraeli i nisën të shtunën sulmet ndaj Republikës Islamike, por lufta u zgjerua shpejt dhe Teherani thuajse menjëherë sulmoi shtetet e Gjirit që strehojnë baza amerikane. Zemërata e tij u shtri deri në Qipro, ku një sulm me dronë shënjestroi bazën britanike në Akrotiri. Një ekip i The Guardian, që vizitoi zonën, foli me banorët atje, të cilët nuk e fshehën shqetësimin e tyre. Ata thonë se rreziku i të jetuarit pranë një baze britanike, kur konflikti po përflaket ndërkohë në Lindjen e Mesme, u bë papritur shumë real.

Ata pyesin përse kur baza kishte kaq shumë sisteme antiajrore sa c`pretendohet, përse droni nuk u diktua më herët. Autoritetet vendase ndërkohë, urdhëruan evakuimin e shtëpivë pranë bazës. Ndërkohë, teksa një fregatë greke po qëndron në portin e Limassoli, një tjetër po arrin atje mes angazhimit të Athinës për të dërguar luftanije dhe avionë F-16 në ishull me qëllimin të forcojë mbrojtjen.

Pamje: AFP

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Turkiye#NATO#TopChannelNews