Say Sopheap Official

«សរសើរនិន្ទាជាខ្យល់មាត់»

ព្រះចន្ទនិងថ្ងៃឥតមានដឹងអ្វី តែត្រូវប្រុសស្រីនិន្ទាសរសើរ
ពពករសាត់ដូចមានស្លាបហើរ ភ្លៀងខ្យល់ដេកដើរគេថាទាំងអស់។

បួសជាព្រះសង្ឃនៅគេរិះគន់ ធើ្វចោរលួចប្លន់គេទាន់ដាក់ខ្នោះ
ត្រាស់ជាព្រះពុទ្ធនៅគេមិនស្មោះ ធម៌ល្អឥតខ្ចោះគង់មានគេស្អប់។

សរសើរនិន្ទាមានពីបុរាណ កាន់យកមិនបានតាមពាក្យទាស់គាប់
បើកូនតាមប្រាជ្ញកូននឹងមានភ័ព្យ ត្រូវមួយខុសដប់កុំយកខាងច្រើន។

ប្រភព៖ ស្រង់ពីសៀវភៅ ពាក្យពេចន៍ម៉ែឪ
លោកគ្រូអគ្គបណ្ឌិតធម្មាចារ្យ ប៊ុត សាវង្ស

‎សុស្សូសំ លភតេ បញ្ញំ ការស្តាប់ដោយល្អរមែងបាននូវបញ្ញា។
នត្ថិ​ សន្តិ បរំ សុខំ ពុំមានសេចក្តីសុខដទៃក្រៅអំពីសេចក្តីស្ងប់ឡើយ។